ថ្ងៃសុក្រ ២កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ត្រូវនឹងថ្ងៃទី១២ ខែមករា ឆ្នាំ២០២៤។
ក្រុមហ៊ុន (BSI) បានប្រារព្ធពិធីសម្ពោធអាគារការិយាល័យថ្មីទី២ ដែលមានទីតាំងស្ថិតនៅអាគារលេខ១៦៨ ផ្លូវលេខ១៩៧២ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ (ជាប់ទៅហ្នឹងអាគារទីមួយ) ក្រោមព្រះវត្តមានរបស់ព្រះធម្មវិជ្ជា ជួន កក្កដា ព្រះវិន័យធរគណខេត្តតាកែវ វត្តប្រាសាទនាងខ្មៅ។ ពិធីសម្ពោធអាគារទី II និងអបរអរសាទរខួប១០ឆ្នាំនេះ ជាសក្ខីភាពនៃវឌ្ឍនភាពរបស់ក្រុមហ៊ុនក្រោមកិច្ចដឹកនាំយ៉ាងត្រឹមត្រូវរបស់នាយកក្រុមហ៊ុន និងការចូលរួមខិតខំប្រឹងប្រែងពីបុគ្គលិកគ្រប់រូប ព្រមទាំងការគាំទ្រពីក្រុមគ្រួសារ និងបងប្អូនតាំងពីថ្ងៃចាប់ផ្តើម។ អ្វីដែលសំខាន់ជាងនេះទៅទៀតនោះ គឺការពេញចិត្ត គាំទ្រ និងការទុកចិត្តពីអតិថិជន ដៃគូរអាជីវកម្ម និងដៃគូរពាក់ព័ន្ធទាំងអស់។ ក្រុមហ៊ុន បន្តបេ្តជ្ញាខិតខំប្រឹងប្រែងក្នុងការផ្គត់ផ្គង់ឧបករណ៍វិទ្យាសាស្ត្រ និងបច្ចេកទេសដែលមានគុណភាព និងនាវានុវត្តន៍ ហើយផ្តល់សេវាកម្មដ៏ល្អបំផុតជូនដល់អតិថិជន និងដៃគូរបស់យើង។